PATRIA POÉTICA

O profesor Xesús Alonso Montero usa o termo " alófonos" cando escribe sobre estes autores, e atopa numerosos casos de alofonía ó longo da historia. Polo que a Galicia se refire, e deixando a parte o especialísimo caso da lírica medieval en idioma galego-portugués, menciona os nomes de Leite de Vasconcelos, Rodríguez Marín, Gumersindo Laverde, Gonzalo Cantó e Joao Verde como autores doutros tantos exercicios literarios. E, naturalmente, os cinco patriotas do galego que lembramos neste traballo: Carles Riba, Juán Pérez Creus, Anne Marie Morris, Gerald Denley e Federico García Lorca. Con "Patria Poética" pretendemos achegarnos a estas cinco figuras e á súa obra en galego. Cinco voces que, en galego, falaron especialmente de amor.